我好怕女人當我面前「化妝」、「落妝」、「補妝」
我好憎女人當我面前「大便」、「小便」，更加憎女人望住我「大便」、「小便」
我好驚女人當我面前「講價」
我好忌女人當我面前「吸完煙然後飲奶茶，跟住繼續同你講野」
我好憎女人當我面前「只懂投訴，不懂投入..」


我好歡女人在我面前，當我臨出門口照鏡時，走到我的跟前，為我執整衣衫，輕拍拍我的膊然後說聲
「順利~`」


〈大家答案又如何〉

唔好話我屈你，睇完「咬慈慈咬」個Video，大家來做個公道~`

阿慈哥咬野病個情況惡化！













罰佢坐無影椅，佢都要隔空搵野咬！我唯有放番佢入缸到，點知一返書房，就聽見外面傳來爭紮
撞缸發的連處巨響，撲到出去，竟 然發現阿慈咬住七妹條尾唔肯放！搞錯呀~~



 阿慈！唔理你係咩原因，你已經罪無可恕！本席宣判「阿慈被調到隔離倉，刑期視乎表現再定！」

為左阻止大哥慈咬野，我放佢落大脾，諗住佢冷靜一下，佢竟然咁無定力！「阿慈！你當我係MATT先？我係麥慈，唔係公廁呀！！」

呢個仇我一定會報架！！！

最近我發現 阿慈 成日訓~`



一張開眼，見野就........咬！



我懷疑佢開始發情！

《月亮腸》

點題作 『月圓之夜，正是食腸之時』





《吊你塊牌》

『同一個天空，銅鐵唔同命』

《Multi Tasking》

觀賞引導：click細去欣賞，留意兩點，雙眼、雙手

『打工仔必學！訓住做其他工作！』

《愛水》

『愛情不會在你渴望時出現，就像你口渴時不會出現礦泉水，會出現都是毒水！』



《Tunnel》

『這是我多年來，每次聽了Dinning room 的 Tunnel，腦裡面的畫面』



《強哥》


『強哥企定定打保齡』 猜廣東話四字俗語，謎底在下一本書揭曉



《三個喪笑 兩副眼鏡 一條利》


『笑到見牙唔見眼，我見得多，笑到見條利唔見眼，我真係第一次見』



《銀河下漫步》


『原名是銀河下的阿慈，定係七妹？由於無法肯定，所以只好改名』



《絕》


『一幅相內，有食有飲有大名星， 絕 對符合港式要求，至緊要多，多就係抵』




《 見得到的呼喚》

『唔該！叫左杯凍奶茶好耐仲未到呀！』



《真相》


『表面上我是受到暴力襲擊，實際上我是得到英雄出手相助，力保雙下巴消失！凡事都不能睇表面！』







《主角》


『被影的是主角，還是影人的是主角？』 我們都總是搞不清自己的身份



《Contact》



今次exihibition最喜歡的一張相，看著它總會令我說出電影Contact 結局時，Jodie Foster向著窗外太空說出的一句話

『It's so Beautiful！』



《林美》

放這一幅在最美，不是因為自戀成病，是因為這幅相背後的故事！這幅相是林慧美幫我拍的，是小數我覺得自己順眼的相片，於是我多謝林慧美

灘：好耐無一幅相，唔駛執我都覺得順眼

林：我只係會見到人地好的一面 ......所以,只係見到你的一個鏡頭咋...


『每個人都至小有一個鏡頭是美好的，你相信就一定會找到，向好看~`』

我竟然會唔係因為拜山而送花，全因為妳~`衰婆


無水洗面見得多，無咪講話第一次『我愛妳~`』


想不要最吸引兩位的相片，竟是這一幅...


更想不到這幅相會入圍，希望五星期內，可 以帶強哥來看看...


扮靚是無分歲數，所以嬋記一入到來，就要穿金銀再加綠翡翠，全部又個女配帶，既搞笑，又感人.... 一如衰婆風格


郭小姐，動久不見~~


UB40，有早無遲 ！ Yeah~~

我創校四十年，無成就、無金球、無積蓄、無樓、無車、無人、無物...無所謂，因為我無傷天害利、無損人利己、無立心不良...原來呢個世界，可能真係無天理，我都無所謂，最多無語問蒼天，我只盼求無咁煩，點解仲要無理取鬧！

記住：我們比自己想像中更堅強更承受到壓力〈感謝ABBY〉

無錯！我無做錯！我無表態是因為我唔想無事生非，無其他！

『UB40』其實係一個組成不久的組織，隊員當然無四十人，組織最憎人問「咁出年係咪改名『UB41』？」，最鍾意只有一樣野，『吃喝玩樂，尋找快樂』，昨晚首次「大鑊聚會」，越大鑊，我越快樂！！





整到個心口咁unique，令到件事咁有團隊精神，要多謝『風之后』（最容易被風吹起之后）20周，係「易拎周」，唔係「2o weeks」，其實其他設計都好正，不過我比較守舊及個人主義，所以最後選了這個做校章，感謝妳，雖然我希望下巴位可以尖dd，不過更加喜歡妳個答案「你去削骨先啦~`」，連減肥都知我辦唔到，果然係了解我！再次多謝妳，雖然妳件TEE 唔同我地果件，CUTTING同領位都唔同，不過妳德高望重！係應該有個人主義，所以妳應該唔同我地！
「易拎易拎，唔會搵丁！」



又話公私兩忙，都唔明點解成日見到呢個「衰婆」，星期五輪到妳最主，可惜妳拒絕我地著組織制服去，咁又係，黑沉沉去送殯咩？！啋~~ 放心！會著靚D來賀爆妳！各位收到啦！




小紅係組織只有一個功能，就係發傻，妳一發傻，我地就開心，就算妳唔傻，俾妳飲多兩杯就自然勁傻，正！好可愛！



不過點傻都估唔到有人肯陪妳，隔離呢個「嘻哈友」叫SEASON，極小說話，同個名一樣，一季先開一次口，身份極神秘，每次聚會都不時走開，我懷疑佢可能係哥倫比罅毒販，無時無刻都要交收，大家知就算，唔好四圍同一講，性命攸關，自己執生！



ADA係組織「開山始祖」，為人冷靜與熱情之間，開心時會笑到失禁，遇到問題會冷靜處理，從不發放「負能量」，心地善良的大好人！



其實唔著件tee好似好睇d`~嘻







我的 JJ，楊門兩女將，JULIA同JOEY，其實分唔開邊個係家姐，邊個係細妹，總之兩個都係細過我啦！總之淨係見到佢地成日笑啦！總之我覺得JOEY 串串拱好正啦！





仲有angel、jessica、karen、阿柱、阿細、小朱..... 雖然妳地好小表態，但總之見到妳地係度就放心晒！呢D咪叫份量羅！



咁當然唔可以無左大會指定主持人UNGIE啦，雖然妳永遠唔FOLLOW我（們）所講，所做，但到頭來妳又會返到來大隊中，雖然妳夠膽約遲到灘皇，仲要遲我成個鐘，但係人都知妳係為左自裝蛋糕先會咁，否則妳起碼遲兩個鐘，雖然我好怕被女人控制，但凡事交俾妳去搞，又一定可以放心晒！感謝妳~~ 不好意思！害妳晨早拿禮物上電台俾晨運客以為妳係「湯寶如」，不過我估其實晨運客係想話妳似「寶佩如」，哈哈``



好似小朱咁講，大家能相知相識，真係好難得，更希望組識勢力越來越大，我會繼續努力！



希望大家繼續支持，想辦法加入組織，希望有天不再要好辛苦先求到人印二十件TEE，希望有天有過百過千過萬人加入組織，咁就開心到癲！



快樂是應該大家一起起分享的！

捨身救人的全體消防員致敬~`


我以你們為榮！

很小跟電台同事吃飯，基本上我很小跟大班人吃飯，本來都係同 迪偉、謝茜嘉、林慧美、阿Bu加多幾位電台PR美女，巧立名目賀我生日食餐飯，但有迪偉，就自然會引到好多人出動，阿芝又來，阿deep又來....終於搞到一圍檯都唔夠坐，熱鬧得我有點吃不消，感謝各位給我的熱情，收到晒！

飯後再上迪偉家，查實都是 第一次，大家沒有巧立名目話上去繼續睇奧運，開宗明義，就是上去繼續飲及開局，雖然大家心都不在奧運，但看到李寧點起「聖火」，我終於忍唔住歡呼及大力拍掌，一時間，屋內眾人亦按捺不住情緒，大聲叫「好！」、「為京奧飲杯！」



我估如果我安坐家中，可能會叫得更大聲，更興奮，然後飲多兩杯，倒頭睡去...但就會失去大班人激掌，互相抒懷，豪情碰杯，開懷暢飲的情景，這是難能可貴的，不過當我訓醒發現全副身家得番二十蚊，原來要得到呢d情景，真係要好貴！究竟邊個贏晒我d錢！？


我正式建議「射龍門」要列入奧運比賽項目！要贏一次比羅金牌更難！

Sunny Side Up 太陽蛋, 其實每人心中都有一只太陽蛋。 她代表我們歡笑､開心､活潑､正能量。
Ann Choi 總會把握機會按下你心中快樂之門，調準你陽光燦爛的圈環，讓我們一起品嚐 Ann Choi 鏡頭下的「太陽蛋」。

Everyone has a Sunny Side up which means laughter, happiness and bliss. Ann Choi always captures your joy and sunny smiles through her lens. Let’s enjoy her "Sunny Side Up" menu prepared especially for you.

八月十六至二十一


開幕邊位同我一齊去撐場，請報名！撐爆佢！高高高~`

我其實好怕開冷氣，開親冷氣訓，起身就病！所以我寧願起身成身汗去沖涼，都唔開冷氣訓，係上星期係朋友家中豪飲，佢對我懶好，安排我入客房，仲開大個冷氣俾我，咪病到今日羅！以後點都唔開！

所以我家中冷氣壞左好耐我都唔整，但我可以唔要冷氣，但有日交番間屋俾人，部冷氣係壞咪入我數，所以唔用但都要整，不過一整我就好後悔，乜原來整冷氣要咁危險！

 個師傅粒聲唔出就衝左入廁所，我叫住話房果部冷氣機喎，根住隱約聽到佢話 「個container係呢度！」，但聲音係從外而來，然後十秒後就聽見佢叫我「阿sir！」

我入到廁所見到佢從窗外伸過頭入廁所 「你開番著部冷氣丫！」，我見到嚇到手都震埋，開完冷氣九秒九羅部相機影低佢，一陣發生咩意外，仲有証據唔係我推佢出去！其實我仲想拍埋片，但我驚真係會拍到佢跌落街~~

雖然佢行為好專業，但用一條人命來換我心安理得，流汗仲多過無冷氣！咁我寧願熱！我深信跌死的機會，一定大過熱死！

當吳君如提議生日二四六的來張合照，曾華倩第一時間響應，然後仲加多句「醒下你，等你有得左擁右抱！」我即時回應「唔好啦！」絕對是真心真意，所以見到我面容咁硬，手唔知為乜要羅住杯酒，原來七八九，就飲到嘔，二四六，就似碌木！
不過作為中間呢位「阿四」，可以有份參與呢餐壽宴，實在受寵若驚，不過更驚係實在太嘈，好驚俾其他客人投訴，叻人、靚人、gag人同檯食飯，唔笑暈都會被電暈，總之就正到暈！

昨晚吃了第一餐「生日飯」，吃我最喜歡的日本菜，到我最愛到的「六角」，吃得開心，飲得暢快，同場還加映巧遇陳x霖與mandy這一對，你們的甜蜜，令我重拾年輕的感覺！今晚君如這餐壽宴，是我認為近期吃過最好吃的一餐，簡單而充實，同場加映杜汶澤訓身推介「六味地皇丸」，保身調理俱備，你的關心，令我肯定進入年老的感覺！

原來「老」的意思是，我們開始定立到目標，活著的意義，所為的責任，擔心自己有否能力完成同時，更擔心自己完成後，有否能力分享成果，所以就好驚會短命！我怕死，但更加怕有太多「負擔」，例如病後的龐大醫藥費，所以我都要開始調理及保健，不過點都要飲埋呢幾餐先開始啦，咁高興，你唔係掃我興呀！我「生日飯」排到下星期日呀，不過如果妳夠靚，或者揀選餐廳合我心意，我唔介意度期過來食！

向所有獅子說聲「又大一歲，又多一醉！」 高高高~~

我有個男友，年少時一齊出去玩，佢無次臨入場前，就後突然向後退，以發號司令的語氣叫出 『放埋個屁先！』，每次一定係響屁，每次都一句送尾加句『響屁唔臭！』風雨不改，總之臨入場前，就算kate moss同其他超模經過，佢都唔理要暢快完成為止，我同其他朋友試過因為咁，成晚係場內避開佢，唔肯認係佢朋友，因為我地試過遭全場人，逢經過我地就掩鼻！佢放屁，關我屁事咩！

但後來我發現呢位朋友係我認識放屁朋友中，最坦誠，最為人著想的一位！放屁的原因大致有兩種情形，一種是因常吃一些產氣的食物，例如地瓜、 洋蔥、高麗菜、豆類及其他豆制品，所以會有放屁的情形，另外則有可能罹患 「激躁性大腸症候群」，此症臨床上也會有腹痛、腹漲以及放屁等現象產生....而我認知當緊張時亦常常會放屁，我這位朋友是那種一年三百五十日都留在家讀書、溫書、睇書的人，每次出街就像探險一樣，緊張是難免的！但難得佢夠坦白，事先聲明，有時間俾大家走避，有時行動快過把口，佢仲會補多隻gag娛賓 『屁乃肚中戲，誰叫貪心嗦入鼻！』肯聲明自己會放屁是一件好型的事！吳君如每次放屁都開聲『放番個屁先~~』放完仲會撚個表情，樣衰衰咁加句『舒服晒！』，唔型都有得笑，我以前同佢做節目之前warm up，我都會要求佢『喂！放個屁黎笑下先啦~`』，佢每次都好坦白 『aiya！岩岩放左，又唔早d開聲！』、『今日無乜屁放~`』『等我試試......有d可能喎...你等等...』

王晶係現場寫劇本，一集中就會放屁，大家附近位置，一見到佢個身向外側，另一邊臀部微微蹺起，一秒內你走避不切，不但中屁彈，仲要俾佢叫住你『阿matt！你過黎聞下，唔係你d女俾我媾晒！』說罷放聲大笑....

有幾多人可以坦白面對自己個屁，做一個〈真心測試〉，在電梯內，你知已經無法控制，一定要放一個屁，你會點處理？

A：坦白開聲『唔好意思！我忍唔到要放個屁，對唔住！』
B：放完之後前歉
C：唔出聲放屁，當有人不悅質問『邊個放屁呀？！』，你會承認及認錯
D：唔出聲放屁，當有人不悅質問『邊個放屁呀？！』，你死都唔承認
E：唔出聲放屁，當有人不悅質問『邊個放屁呀？！』，你第一時開聲否認『唔係我呀！果邊飄過黎架！』
F：唔出聲放屁，當有人不悅質問『邊個放屁呀？！』，你反問對方『你咁大反應，個屁係咪你放架？！』
G：其他

請踴躍作答，做個勇敢放屁人`~

地球已經不適合人類生活，Fly ME to the MOON Please！！

由於大部同我合照的靚女們，都表示不願意把合照登出，但就放係自己facebook，anyway，為尊重當事人，我只可以揀呢張最多女的相出來做開頭！要搵就上facebook啦！

珠如，妳開始似我經理人~`妳快d接多d野我做！

Chloe，希望妳唔會怪我先斬後奏，還有為感謝妳幫我影相，送上薄酬，kitty 一套 看到咁多人撐，我可以專心去做其他野，今次活動中，聽到最多的問題是「你幾時有新戲？」，跟住日子我就努力去寫劇本，寫周杰倫，寫劉德華，寫鄭秀雯，寫木村拓哉，寫麥迪文，寫鞏莉，寫動物，寫鬼怪，寫搞笑...好！醉醒就開始寫~~ 等著瞧~` yeah``

很喜歡這篇訪問，感謝MILK的THEO，難度你像添叔（愛多八十年）一樣，懂閱心術嗎？ 正！ 我唔駛一日賣三千本，亦都唔要大班人舉字牌，叫我個名，我只係想聽晚大家著得靚D，一齊影D靚相，令到我地永遠記得2008年七月某一個仲夏晚上！[WE WERE THERE!]
聽晚見！早D到，可以撐埋林慧美，高高高~`

 

My dear衰婆！在做節目時收到妳的sms，差點兒無法繼續下去，但終於我還是完成需要的工作，就像妳在這個時侯，仍然靠我弄出這個相片mv，因為我們都是專業的！
「我來不到你新書會了！」
「妳來不來，我也感到妳在現場！」

我不懂說安慰說話，我只會給予妳及家人最大祝福！

『My Dear！everything gonna be alright`~」